Plantun de Prouvènço

Pèr coumpara dos planto d'encò nostre

Vitis rupestris & Rhamnus pumila

Vitis rupestris

Vitaceae

Nom en français : Vigne des rochers.

Descripcioun :
La lambrusco-de-roucas èi la mai pichoto di vigno fèro que trachisson au nostre. Li fueio, souvènt jaunasso, alor que li cambo e pecou soun roujo, an di tres partido, mai gaire separado. Au contro de Vitis riparia, lou sinus èi gaire founs, o pèr lou mens pas "carra". Se n'en destrìo peréu qu'a ges de péu e nimai souto li fueio sus li costo. Fai de vediho courteto.

Usanço :
Li fueio soun vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Coulour de la flour : Verdo
Petalo : 8
Ø (o loungour) flour : 5 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à juliet

Liò : Ermas - Roucaio - Ribiero
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Vitis rupestris Scheele, 1848

Nasprun(-nanet)

Rhamnus pumila

Rhamnaceae

Nom en français : Nerprun nain.

Descripcioun :
Aquéu nasprun nanet trachis sus li roucas d'auto mountagno ounte s'arrapo. Se recounèis à soun port, de segur, e peréu à si fueio qu'an de 5 à 10 costo que se vèson bèn. Fai de pichòti flour verdo, di quatro petalo, que se vèson pas gaire. Lou fru (5 à 8 mm) èi rouge e pièi negre.

Usanço :
Coume tóuti li nasprun, es uno planto empouisounanto que fai raca e douno la fouiro. Li fru soun, adounc, pas manjadis.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Auto mountagno - Roucas
Estànci : Mountagnard à Aupen
Couroulougi : Pancaro entresigna
Ref. sc. : Rhamnus pumila Turra, 1764

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis rupestris & Rhamnus pumila

ges

Coumpara Lambrusco(-de-roucas) emé uno autro planto

Coumpara Nasprun(-nanet) emé uno autro planto